અમદાવાદના લોકોને દિવાળીના તહેવાર પર મોટી ભેટ મળવા જઈ રહી છે. સરખેજથી કર્ણાવતી ક્લબ સુધી બનાવવામાં આવેલો 4.03 કિલોમીટર લાંબો એલિવેટેડ બ્રિજ ટૂંક સમયમાં વાહનચાલકો માટે ખુલ્લો મૂકવામાં આવશે.
આ બ્રિજ બનાવવામાં આશરે રૂ. 365 કરોડનો ખર્ચ થયો છે. તેનું લોકાર્પણ કેન્દ્રીય ગૃહમંત્રીના હસ્તે કરવામાં આવશે.
ટ્રાફિકની સમસ્યા થશે ઓછી
આ બ્રિજ શરૂ થયા બાદ સરખેજથી કર્ણાવતી ક્લબ સુધી જતા વાહનચાલકોને ટ્રાફિકમાંથી રાહત મળશે. હાઈવે પર મુસાફરી કરતા લોકોને સમયની બચત થશે. રોજ આ રસ્તા પરથી પસાર થતા વાહનચાલકો માટે આ બ્રિજ ખૂબ ઉપયોગી સાબિત થશે.
આ નવા બ્રિજથી અમદાવાદના રસ્તાઓ પર ટ્રાફિકનું ભારણ ઓછું કરવામાં મદદ મળશે અને લોકોને મુસાફરી કરવામાં સરળતા રહેશે.
0 
0 
