RBIના નવા લોન નિયમોનો પ્રસ્તાવ: EMIમાં ઝડપથી થઈ શકે ફેરફાર
0 
0 
રિઝર્વ બેંક ઓફ ઇન્ડિયા (RBI)એ ફ્લોટિંગ રેટવાળી લોનના વ્યાજદર રીસેટ અંગે નવા નિયમોનો પ્રસ્તાવ મૂક્યો છે. આ નિયમો અમલમાં આવે તો બેન્કો માટે લોનના બેન્ચમાર્ક રીસેટનો સમયગાળો ત્રણ મહિનાથી વધુ ન રાખવાની જોગવાઈ થઈ શકે છે.
આ ફેરફારથી RBIના રેપો રેટ અથવા સંબંધિત બેન્ચમાર્કમાં ફેરફાર થયા બાદ તેની અસર લોનના વ્યાજદર અને EMI પર અગાઉની સરખામણીએ ઝડપથી પડી શકે છે. વ્યાજદરમાં ઘટાડો થાય તો ગ્રાહકોને EMIમાં રાહત વહેલી મળી શકે છે, જ્યારે વ્યાજદરમાં વધારો થાય તો EMI અથવા લોનની અવધિમાં પણ ઝડપથી વધારો થઈ શકે છે.
આ પ્રસ્તાવ હોમ લોન ઉપરાંત પર્સનલ અને MSME લોન સહિતની ફ્લોટિંગ રેટવાળી લોન માટે મહત્વપૂર્ણ બની શકે છે. RBIના પ્રસ્તાવ મુજબ નવા નિયમો 1 એપ્રિલ 2027થી લાગુ કરવાની દરખાસ્ત છે. જોકે, હાલમાં આ નિયમો ડ્રાફ્ટ તબક્કામાં છે અને અંતિમ નિર્ણય બાદ જ તેની ચોક્કસ અસર સ્પષ્ટ થશે.
