રાજીનામા બાદ ધર્મેન્દ્ર પ્રધાનની પહેલી પ્રતિક્રિયા: કહ્યું- ‘હું સ્ટ્રીટ ફાઇટર છું, AC રૂમ એક્ટિવિસ્ટ નહીં’
0 
0 
NEET-UG પેપર લીક વિવાદ વચ્ચે શિક્ષણ મંત્રી પદેથી રાજીનામું આપ્યા બાદ ધર્મેન્દ્ર પ્રધાને સોમવારે પ્રથમ વખત પોતાની પ્રતિક્રિયા આપી હતી. દિલ્હીમાં તેમણે કહ્યું કે, “હું સ્ટ્રીટ ફાઇટર છું, AC રૂમ એક્ટિવિસ્ટ નહીં.” તેમનું આ નિવેદન કોંગ્રેસ નેતા જયરામ રમેશના નિવેદનના જવાબમાં આવ્યું હતું.
સંસદ ભવન પહોંચેલા ધર્મેન્દ્ર પ્રધાનને જયરામ રમેશે સહાનુભૂતિ વ્યક્ત કરતા કહ્યું હતું કે, “આવું તો ચાલ્યા કરે.” તેના જવાબમાં પ્રધાને કહ્યું, “કંઈ થયું જ નથી.” તેમણે વધુમાં કહ્યું કે, “હું મેદાનમાં લડનારો કાર્યકર છું, એસી રૂમમાં બેસીને રાજકારણ કરનારો નથી.”
પ્રધાનના આ નિવેદનથી સંકેત મળી રહ્યો છે કે તેઓ હજુ પણ સક્રિય રાજકારણમાં નવી જવાબદારી માટે તૈયાર છે. રાજકીય વર્તુળોમાં ચર્ચા છે કે ભાજપ તેમને સંગઠનમાં મોટી જવાબદારી આપી શકે છે અથવા આગામી વિધાનસભા ચૂંટણીની જવાબદારી સોંપી શકે છે. અગાઉ પણ તેઓ ઉત્તર પ્રદેશ સહિત અનેક રાજ્યોની ચૂંટણીમાં પાર્ટીના પ્રભારી રહી ચૂક્યા છે.
NDA સાંસદોએ કર્યું સ્વાગત
શિક્ષણ મંત્રી પદ પરથી રાજીનામું આપ્યા બાદ પહેલીવાર સંસદ પહોંચેલા ધર્મેન્દ્ર પ્રધાનનું NDAના સાંસદોએ સ્વાગત કર્યું હતું. આ દરમિયાન તેમના ચહેરા પર આત્મવિશ્વાસ જોવા મળ્યો હતો. કેટલાક સાંસદોએ તેમના કાર્યકાળની પ્રશંસા કરી હતી અને કહ્યું હતું કે કોઈ આરોપ વગર પણ તેમણે જવાબદારી સ્વીકારીને રાજીનામું આપ્યું છે.
ભાજપમાં નવી ભૂમિકાની શક્યતા
ધર્મેન્દ્ર પ્રધાન ઓડિશાના મોટા ભાજપ નેતા છે અને કેન્દ્રની રાજનીતિમાં પણ મહત્વની ભૂમિકા ભજવી ચૂક્યા છે. તેઓ બિહાર, પશ્ચિમ બંગાળ, ઉત્તર પ્રદેશ, મધ્ય પ્રદેશ, ઉત્તરાખંડ અને કર્ણાટક જેવી ચૂંટણીઓમાં પાર્ટીની જવાબદારી સંભાળી ચૂક્યા છે.
રાજીનામા બાદ પણ પક્ષનો સમર્થન
NEET-UG વિવાદને કારણે રાજીનામું આપ્યા બાદ પણ ભાજપે ધર્મેન્દ્ર પ્રધાનથી અંતર રાખ્યું નથી. કેન્દ્રીય ગૃહમંત્રી અમિત શાહ તેમના ઘરે પહોંચ્યા હતા, જ્યારે ભાજપના વરિષ્ઠ નેતાઓએ શિક્ષણ ક્ષેત્રે તેમના કાર્ય અને સુધારાઓની પ્રશંસા કરી હતી.
