લોકસભાના વિશેષ સત્રમાં મહિલા અનામત બિલ અંતે પસાર થઈ શક્યું નથી. 17 એપ્રિલે બંધારણીય સુધારા વિધેયક પર મતદાન થયું હતું, પરંતુ જરૂરી બે તૃતિયાંશ બહુમતિ ના મળતા બિલ નકારી દેવામાં આવ્યું. આ મુદ્દે વિવિધ રાજકીય નેતાઓની પ્રતિક્રિયાઓ સામે આવી છે.
વિપક્ષના નેતા Rahul Gandhiએ જણાવ્યું કે, “આ બંધારણ પરનો હુમલો હતો અને અમે તેને હરાવ્યો છે. આ બિલ મહિલા અનામત માટે નહોતું, પરંતુ દેશના રાજકીય માળખામાં ફેરફાર કરવાનો પ્રયાસ હતો.” તેમણે સોશિયલ મીડિયા પર પણ સરકાર પર આરોપ લગાવ્યો કે મહિલાઓના નામે ગેરબંધારણીય રીત અપનાવવામાં આવી.
કોંગ્રેસની નેતા Priyanka Gandhi Vadraએ કહ્યું કે, “આ મુદ્દો માત્ર મહિલા અનામતનો નહીં, પરંતુ લોકશાહીની રક્ષા કરવાનો હતો. સીમાંકન સાથે અનામતને જોડવું યોગ્ય નથી. આ દેશ માટે લોકશાહીની મોટી જીત છે.”
બીજી તરફ ભાજપના સાંસદ Poonam Mahajanએ વિપક્ષ પર આરોપ લગાવ્યો કે તેમણે બિલને અટકાવીને દેશની મહિલાઓ સાથે અન્યાય કર્યો છે. સંસદીય કાર્ય મંત્રી Kiren Rijijuએ પણ કહ્યું કે, આ ઐતિહાસિક તક ગુમાવી દેવામાં આવી છે અને વિપક્ષે તેનો સાથ આપ્યો નથી.
સપા અધ્યક્ષ Akhilesh Yadavએ સ્પષ્ટ કર્યું કે તેઓ મહિલા અનામતના સમર્થનમાં છે, પરંતુ કેટલીક શરતોને કારણે બિલને સ્વીકારી શકાયું નહીં.
ભાજપની નેતા Bansuri Swarajએ વિપક્ષ પર મહિલાઓ સાથે વિશ્વાસઘાત કરવાનો આરોપ મૂક્યો, જ્યારે શિવસેના (UBT)ની નેતા Priyanka Chaturvediએ આ નિર્ણયને મહિલાઓ માટે નિરાશાજનક ગણાવ્યો.
કેન્દ્રીય મંત્રી Ramdas Athawale અને Giriraj Singhએ પણ વિપક્ષની ટીકા કરી અને કહ્યું કે આ નિર્ણયથી દેશની મહિલાઓને નુકસાન થયું છે. બીજી તરફ કોંગ્રેસના સાંસદ Imran Masoodએ સરકાર પર આરોપ લગાવ્યો કે તેઓ માત્ર દેખાવ માટે આ બિલ લાવ્યું હતું.
મતદાનના પરિણામ મુજબ કુલ 528 સભ્યોએ મત આપ્યો હતો, જેમાંથી 298 સભ્યોએ સમર્થન કર્યું અને 230 સભ્યોએ વિરોધ કર્યો. પરિણામ જાહેર કરતાં લોકસભા અધ્યક્ષ Om Birlaએ બિલ નકારાયું હોવાનું જણાવ્યું અને સભાને શનિવારે સવારે 11 વાગ્યા સુધી સ્થગિત કરી.
Leave a Reply