નીતિશ કુમારે CM પદેથી આપ્યું રાજીનામું, કહ્યું- ‘અમે બિહારના લોકો માટે ખુબ કામ કર્યું’

બિહારમાં રાજકીય પરિવર્તનની શરૂઆત વચ્ચે મુખ્યમંત્રી Nitish Kumar એ 14 એપ્રિલે પોતાના પદેથી રાજીનામું આપી દીધું છે. આજે સવારે તેમણે પોતાની સરકારની અંતિમ કેબિનેટ બેઠક બોલાવી હતી, જેમાં તેઓ ભાવુક બની ગયા હતા. ત્યારબાદ તેઓ લોકભવન જઈ રાજ્યપાલ Syed Ata Hasnain ને રાજીનામું સોંપ્યું. રાજીનામા બાદ તેમણે સોશિયલ મીડિયા પ્લેટફોર્મ ‘X’ પર એક પોસ્ટ પણ કરી.

અંતિમ કેબિનેટ બેઠકમાં ભાવુક ક્ષણો

અંતિમ બેઠક દરમિયાન નીતિશ કુમારે 2005થી અત્યાર સુધી બિહારના વિકાસ માટે કરેલા કાર્યોને યાદ કર્યા. તેમણે કહ્યું કે સત્તામાં આવ્યા બાદ તેઓએ રાજ્ય માટે શક્ય તેટલું કામ કર્યું છે. તેમના આ શબ્દો સાંભળીને બેઠકમાં હાજર અન્ય મંત્રીઓ પણ ભાવુક બની ગયા.

સોશિયલ મીડિયા પર નિવેદન

રાજીનામા પછી નીતિશ કુમારે ‘X’ પર લખ્યું કે 24 નવેમ્બર 2005થી NDA સરકારના નેતૃત્વ હેઠળ બિહારમાં કાયદાનું શાસન મજબૂત બન્યું અને વિકાસના ઘણા કામો થયા. તેમણે જણાવ્યું કે સમાજના દરેક વર્ગ—હિંદુ, મુસ્લિમ, સવર્ણ, પછાત, અતિ પછાત, દલિત અને મહાદલિત—માટે કામ કરવામાં આવ્યું છે. શિક્ષણ, આરોગ્ય, રસ્તા, વીજળી, કૃષિ તેમજ મહિલાઓ અને યુવાનો માટે અનેક યોજનાઓ અમલમાં મૂકી છે.

તેમણે વધુમાં જણાવ્યું કે 2025થી 2030 માટે ‘7 નિશ્ચય-3’ યોજના તૈયાર કરવામાં આવી છે, જે બિહારના વિકાસને વધુ ગતિ આપશે. સાથે જ કેન્દ્ર સરકારના સહયોગ બદલ તેમણે વડાપ્રધાન Narendra Modi નો આભાર વ્યક્ત કર્યો.

નવી સરકારને શુભેચ્છાઓ

નીતિશ કુમારે જણાવ્યું કે હવે નવી સરકાર રાજ્યનું કામકાજ સંભાળશે અને તેને તેઓ સંપૂર્ણ સહયોગ અને માર્ગદર્શન આપશે. તેમણે આશા વ્યક્ત કરી કે બિહાર વિકાસના માર્ગ પર આગળ વધતું રહેશે.

નેતાઓની પ્રતિક્રિયા

કેબિનેટ બેઠક બાદ જેડીયુ અને ભાજપના નેતાઓએ નીતિશ કુમારના યોગદાનની પ્રશંસા કરી. મંત્રીઓ અને ધારાસભ્યોમાં ગમગીની જોવા મળી હતી અને ઘણા નેતાઓએ તેમને માર્ગદર્શક તરીકે ગણાવ્યા.

નીતિશ કુમારની રાજકીય સફર