વડાપ્રધાન Narendra Modi પોતાના G7 શિખર સંમેલનના વિદેશ પ્રવાસ પરથી પરત ફરતાની સાથે જ દિલ્હીમાં એક અત્યંત મહત્ત્વપૂર્ણ હાઈ-લેવલ બેઠકની અધ્યક્ષતા કરવા જઈ રહ્યા છે. કેન્દ્ર સરકારના તમામ કેબિનેટ અને રાજ્યકક્ષાના મંત્રીઓને આગામી દિવસોમાં દિલ્હીમાં જ હાજર રહેવા સૂચના અપાતા રાજકીય વર્તુળોમાં અનેક અટકળો તેજ બની છે.
તમામ મંત્રીઓને દિલ્હીમાં રહેવા સૂચના
સૂત્રોના જણાવ્યા અનુસાર, વડાપ્રધાન મોદીની અધ્યક્ષતામાં યોજાનારી આ બેઠકમાં વરિષ્ઠ કેબિનેટ મંત્રીઓ સાથે તમામ રાજ્યકક્ષાના મંત્રીઓની હાજરી ફરજિયાત રાખવામાં આવી છે. અચાનક મંત્રીઓને દિલ્હીની બહાર ન જવા માટે કહેવામાં આવતા બેઠકને લઈને રાજકીય ગલિયારાઓમાં ભારે ઉત્સુકતા જોવા મળી રહી છે. માનવામાં આવે છે કે દેશની સુરક્ષા, આર્થિક પરિસ્થિતિ અને વૈશ્વિક સંકટોની અસર જેવા મુદ્દાઓ પર સરકાર મંત્રીઓ સમક્ષ વિસ્તૃત ચર્ચા કરશે.
બે મોટા મુદ્દાઓ પર દેશની નજર
1. પશ્ચિમ એશિયાનું સૈન્ય સંકટ અને તેની આર્થિક અસર
અમેરિકા અને ઈરાન વચ્ચે વધી રહેલા તણાવ તેમજ હોર્મુઝની ખાડીની પરિસ્થિતિ સરકાર માટે સૌથી મોટો ચિંતાનો વિષય બની છે. કેન્દ્ર સરકાર સતત આ બાબતે નજર રાખી રહી છે કે વૈશ્વિક સ્તરે ઉભી થયેલી યુદ્ધ જેવી સ્થિતિનો ભારતના કાચા તેલના ભાવ, સપ્લાય ચેઈન અને મોંઘવારી પર કેટલો પ્રભાવ પડી શકે છે.
વડાપ્રધાન મોદીના વિદેશ પ્રવાસ દરમિયાન રક્ષામંત્રી Rajnath Singhની આગેવાનીમાં એક હાઈ-પાવર ગ્રુપ બનાવાયું છે, જેમાં ગૃહમંત્રી Amit Shah, નાણામંત્રી Nirmala Sitharaman અને પેટ્રોલિયમ મંત્રી Hardeep Singh Puri સામેલ છે. આ સમૂહ 24 કલાક સ્થિતિ પર નજર રાખી રહ્યો છે. જોકે, સરકારે સ્પષ્ટ કર્યું છે કે દેશમાં ક્રૂડ ઓઈલ અને એલપીજીનો પૂરતો જથ્થો ઉપલબ્ધ હોવાથી નાગરિકોએ ગભરાવાની જરૂર નથી.
2. મોદી સરકાર 3.0નું સંભવિત કેબિનેટ વિસ્તરણ
રાજકીય વર્તુળોમાં બીજી સૌથી મોટી ચર્ચા મોદી સરકાર 3.0ના સંભવિત કેબિનેટ વિસ્તરણ અને મંત્રિમંડળમાં ફેરફારને લઈને ચાલી રહી છે. આગામી 10 જૂને સરકારના ત્રીજા કાર્યકાળને એક વર્ષ પૂર્ણ થવા જઈ રહ્યું છે, ત્યારે જૂનના બીજા સપ્તાહમાં મોટા પાયે કેબિનેટ ફેરબદલ થવાની અટકળો તેજ બની છે.
સૂત્રો મુજબ, કેટલાક મંત્રીઓના વિભાગોમાં ફેરફાર થઈ શકે છે, જ્યારે નવા ચહેરાઓને પણ મંત્રિમંડળમાં સ્થાન મળવાની શક્યતા વ્યક્ત થઈ રહી છે. આ કારણે ગુરુવારે યોજાનારી બેઠકને મંત્રીઓના પરફોર્મન્સ રિવ્યૂ અને આગામી રાજકીય વ્યૂહરચનાની પૂર્વ તૈયારી તરીકે પણ જોવામાં આવી રહી છે.
Leave a Reply