અમદાવાદના Narendra Modi Stadiumમાં રમાયેલી ICC Men’s T20 World Cup 2026 Finalમાં ભારતે ન્યૂઝીલેન્ડને હરાવી ભવ્ય જીત મેળવી છે. આ જીત સાથે ટીમ ઈન્ડિયાએ ઇતિહાસ રચતાં ત્રીજી વખત ટી20 વર્લ્ડ કપ જીતનાર વિશ્વની પ્રથમ ટીમ બનવાનો ગૌરવ મેળવ્યો છે. ભારતની આ ઐતિહાસિક સિદ્ધિ બદલ દેશભરમાં આનંદની લાગણી ફેલાઈ ગઈ છે.
ભારતની જીત બાદ રાષ્ટ્રપતિ Droupadi Murmuએ ટીમ ઈન્ડિયાને અભિનંદન પાઠવ્યા હતા. તેમણે જણાવ્યું હતું કે આઈસીસી મેન્સ ટી20 વર્લ્ડ કપમાં શાનદાર વિજય મેળવી ટીમ ઈન્ડિયાએ ઇતિહાસમાં નવી ઊંચાઈઓ સર કરી છે. ત્રણ વખત આ કપ જીતનાર ભારત એકમાત્ર દેશ બન્યો છે અને સતત બે વખત કપ જીતવાનો ગૌરવ પણ પ્રાપ્ત કર્યો છે. તેમણે કહ્યું કે આ જીત દેશના કરોડો ક્રિકેટપ્રેમીઓ માટે ગર્વ અને આનંદની ક્ષણ છે. સાથે જ ખેલાડીઓ, મેનેજમેન્ટ અને સપોર્ટ સ્ટાફના યોગદાનની પ્રશંસા કરતાં તેમણે ભવિષ્યમાં પણ આવી જ સફળતા મળવાની શુભેચ્છા પાઠવી હતી.
વડાપ્રધાન Narendra Modiએ પણ સોશિયલ મીડિયા પર ટીમ ઈન્ડિયાને અભિનંદન પાઠવતાં કહ્યું કે આ જીત ખેલાડીઓના અદભૂત કૌશલ્ય, દૃઢ સંકલ્પ અને ટીમ વર્કનું પ્રતિબિંબ છે. સમગ્ર ટૂર્નામેન્ટ દરમિયાન ભારતીય ટીમે ઉત્તમ રમત દેખાડી છે અને આ જીતથી દરેક ભારતીય ગર્વ અનુભવે છે. “શાબાશ ટીમ ઈન્ડિયા,” એમ કહી તેમણે ખેલાડીઓનું મનોબળ વધાર્યું હતું.
ફાઈનલ મેચમાં ભારતે પહેલા બેટિંગ કરતાં 20 ઓવરમાં 5 વિકેટે 255 રનનો વિશાળ સ્કોર નોંધાવ્યો હતો. તેના જવાબમાં ન્યૂઝીલેન્ડની ટીમ માત્ર 159 રનમાં ઓલઆઉટ થઈ ગઈ હતી. ભારત તરફથી Sanju Samsonએ 46 બોલમાં 89 રનની આકર્ષક ઈનિંગ્સ રમી હતી, જેમાં પાંચ ચોગ્ગા અને આઠ છગ્ગા સામેલ હતા. જ્યારે Abhishek Sharmaએ 21 બોલમાં 52 રન ફટકાર્યા હતા. ત્યારબાદ Ishan Kishanએ પણ 25 બોલમાં 54 રન બનાવી ટીમના સ્કોરને વધુ મજબૂત બનાવ્યો હતો.
આ ફાઈનલ મેચ દરમિયાન કેટલાક મહત્વના રેકોર્ડ પણ નોંધાયા હતા. તેમાં ટી20 વર્લ્ડ કપની ફાઈનલમાં ભારતનો સૌથી મોટો સ્કોર 255/5 નોંધાયો. ટોચના ત્રણ બેટર દ્વારા અડધી સદી ફટકારવાનો અનોખો રેકોર્ડ બન્યો. ન્યૂઝીલેન્ડના બોલર James Neeshamએ એક ઓવરમાં ત્રણ વિકેટ લઈને નોંધપાત્ર સિદ્ધિ નોંધાવી. ઉપરાંત પ્રથમ વિકેટ માટે 98 રનની ભાગીદારી અને પાવરપ્લેમાં 92 રન બનાવવાનો પણ નવો રેકોર્ડ બન્યો હતો.
આ રીતે ભારતે ઐતિહાસિક જીત સાથે વિશ્વ ક્રિકેટમાં ફરી એકવાર પોતાની શક્તિ સાબિત કરી છે.
Leave a Reply