લોકસભા સ્પીકર ઓમ બિરલા સામે વિપક્ષ અવિશ્વાસ પ્રસ્તાવ લાવવાની તૈયારીમાં હોવાનું જાણવા મળે છે. સૂત્રોના જણાવ્યા મુજબ, વિપક્ષના નેતાઓએ આ મુદ્દે કોંગ્રેસના સાંસદ રાહુલ ગાંધી સાથે ચર્ચા કરી છે. વિપક્ષનું કહેવું છે કે જો તેમને સંસદમાં પોતાની વાત રજૂ કરવાની તક નહીં મળે, તો તેઓ અવિશ્વાસ પ્રસ્તાવ રજૂ કરશે.
આ દરમિયાન આજે લોકસભામાં વિપક્ષ તરફથી ભારે હોબાળો જોવા મળ્યો. સૂત્રોના જણાવ્યા અનુસાર, રાહુલ ગાંધી સાંસદોના સસ્પેન્શન તેમજ મહિલા સાંસદો અંગે લગાવવામાં આવેલા આરોપો પર ગૃહમાં બોલવા માંગતા હતા અને તેમણે સ્પીકર પાસે બોલવાની મંજૂરી માગી હતી. સોમવારે સવારે (9 ફેબ્રુઆરી) થયેલા હોબાળાને કારણે લોકસભાની કાર્યવાહી બપોરે 12 વાગ્યા સુધી સ્થગિત કરવી પડી હતી.
આ વચ્ચે વિપક્ષી સાંસદોએ આસામના મુખ્યમંત્રી હિમંતા બિસ્વા શર્મા સામે પણ કડક કાર્યવાહી કરવાની માંગ ઉઠાવી છે. કોંગ્રેસના સાંસદ ઇમરાન પ્રતાપગઢીએ જણાવ્યું હતું કે, મુખ્યમંત્રી તરીકે હિમંતા બિસ્વા શર્મા આવા વીડિયો બનાવે છે, જેને આસામ ભાજપ દ્વારા પોસ્ટ કરી બાદમાં હટાવી દેવામાં આવે છે. તેમણે કહ્યું કે વડાપ્રધાન, ગૃહમંત્રી અને ભાજપના રાષ્ટ્રીય અધ્યક્ષે આ મામલે કાર્યવાહી કરવી જોઈએ.
Leave a Reply