Lakshman Acharya એ ગુવાહાટીના ખાનાપારા વેટરનરી કોલેજ ગ્રાઉન્ડ ખાતે આયોજિત ભવ્ય સમારોહમાં Himanta Biswa Sarma ને મુખ્યમંત્રી પદ અને ગોપનીયતાના શપથ લેવડાવ્યા હતા. આ સાથે હિમંતા બિસ્વા સરમા આસામમાં સતત બીજી વખત મુખ્યમંત્રી બનનારા પ્રથમ બિન-કોંગ્રેસી નેતા તરીકે ઇતિહાસ રચ્યો છે.
મુખ્યમંત્રી સાથે ભાજપના Rameswar Teli, Ajanta Neog તેમજ સહયોગી પક્ષ AGPના Atul Bora અને BPFના Charan Boro એ પણ મંત્રી તરીકે શપથ લીધા હતા. તમામ નેતાઓએ અસમિયા ભાષામાં શપથ ગ્રહણ કર્યા હતા.
આ શપથગ્રહણ સમારોહમાં Narendra Modi, Amit Shah, Rajnath Singh સહિત ભાજપ અને NDA શાસિત રાજ્યોના મુખ્યમંત્રીઓ, કેન્દ્રીય મંત્રીઓ અને અન્ય દિગ્ગજ નેતાઓ હાજર રહ્યા હતા.
પશ્ચિમ બંગાળના મુખ્યમંત્રી Suvendu Adhikari પણ ખાસ ઉપસ્થિત રહ્યા હતા. તેમણે આસામની જનતાને શુભેચ્છા પાઠવી અને વડાપ્રધાન મોદીના ‘પૂર્વોદય’ વિકાસના વિઝનને આગળ વધારવાની પ્રતિબદ્ધતા વ્યક્ત કરી હતી.
ઉલ્લેખનીય છે કે આસામમાં NDA સરકારનો આ સતત ત્રીજો કાર્યકાળ છે. વર્ષ 2016માં Sarbananda Sonowal ના નેતૃત્વમાં સરકાર બની હતી, જ્યારે 2021થી હિમંતા બિસ્વા સરમા રાજ્યનું નેતૃત્વ સંભાળી રહ્યા છે.
Leave a Reply