આંતરરાષ્ટ્રીય બજારમાં ચાલી રહેલા ઉતાર-ચઢાવ વચ્ચે દેશમાં પેટ્રોલ અને ડીઝલના ભાવમાં ફરી એકવાર મોટો વધારો કરવામાં આવ્યો છે. સતત વધી રહેલા ઈંધણના ભાવના કારણે સામાન્ય લોકોના ઘરખર્ચ અને મુસાફરીના બજેટ પર સીધી અસર પડી રહી છે. છેલ્લા થોડા દિવસોમાં આ ચોથી વખત ભાવવધારો કરવામાં આવ્યો છે, જેના કારણે દેશના મુખ્ય શહેરોમાં પેટ્રોલ અને ડીઝલના ભાવ નવી ઊંચાઈએ પહોંચી ગયા છે.
પેટ્રોલ-ડીઝલમાં કેટલો થયો વધારો?
નવી જાહેર કરાયેલી કિંમતો અનુસાર પેટ્રોલમાં પ્રતિ લિટરે ₹2.61 જ્યારે ડીઝલમાં પ્રતિ લિટરે ₹2.71 નો વધારો કરવામાં આવ્યો છે. આ નવા દરો 25 મેની સવારે 6 વાગ્યાથી સમગ્ર દેશમાં અમલમાં આવ્યા છે.
મહાનગરોમાં નવા ઈંધણના ભાવ
તાજેતરના ભાવવધારા બાદ અનેક શહેરોમાં પેટ્રોલનો ભાવ ₹100 પ્રતિ લિટરને પાર પહોંચી ગયો છે, જ્યારે ડીઝલના ભાવમાં પણ નોંધપાત્ર વધારો જોવા મળી રહ્યો છે.
10 દિવસમાં ચોથી વખત વધ્યા ભાવ
આ પહેલા 23 મેના રોજ પણ પેટ્રોલમાં 87 પૈસા અને ડીઝલમાં 91 પૈસાનો વધારો કરવામાં આવ્યો હતો. મે મહિનામાં અત્યાર સુધી પેટ્રોલ અને ડીઝલના ભાવ અંદાજે ₹5 જેટલા વધી ચૂક્યા હતા, જ્યારે આજના વધારા બાદ છેલ્લા 10 દિવસમાં કુલ વધારો ₹7.50 થી ₹8 પ્રતિ લિટર સુધી પહોંચી ગયો છે.
શું છે ભાવવધારાનું કારણ?
સરકારી અધિકારીઓના જણાવ્યા મુજબ, વૈશ્વિક સ્તરે વધી રહેલા ભૌગોલિક-રાજકીય તણાવ અને આંતરરાષ્ટ્રીય ઊર્જા બજારમાં ચાલતા અસ્થિર માહોલને કારણે ક્રૂડ ઓઈલની આયાત ખર્ચાળ બની રહી છે. દેશમાં ઈંધણનો પુરવઠો જાળવી રાખવા માટે આ ભાવવધારો અનિવાર્ય બન્યો હોવાનું કહેવામાં આવી રહ્યું છે.
નિષ્ણાતોનું માનવું છે કે ઈંધણના વધતા ભાવોની અસર હવે પરિવહન અને લોજિસ્ટિક્સ ખર્ચ પર પડશે, જેના કારણે દૂધ, શાકભાજી સહિતની રોજબરોજની આવશ્યક ચીજવસ્તુઓ પણ વધુ મોંઘી બની શકે છે.
Leave a Reply