ટી20 વર્લ્ડકપમાં ભારતે નામિબિયા સામે શાનદાર પ્રદર્શન કરતાં 93 રનથી જીત મેળવી છે. ભારતે પહેલા બેટિંગ કરતાં 20 ઓવરમાં 9 વિકેટે 209 રનનો મોટો સ્કોર ઉભો કર્યો હતો. જવાબમાં નામિબિયાની ટીમ 116 રનમાં સમેટાઈ ગઈ.
ભારતની ધમાકેદાર બેટિંગ
ભારત તરફથી ઈશાન કિશન અને હાર્દિક પંડ્યાએ આક્રમક બેટિંગ કરીને ટીમને મજબૂત સ્થિતિમાં પહોંચાડી. ઈશાન કિશને માત્ર 24 બોલમાં 6 ચોગ્ગા અને 5 છગ્ગા સાથે 61 રન ફટકાર્યા. હાર્દિક પંડ્યાએ 28 બોલમાં 4 ચોગ્ગા અને 4 છગ્ગાની મદદથી 52 રન નોંધાવ્યા.
સંજુ સેમસને 22 રન, તિલક વર્માએ 25 રન અને શિવમ દુબેએ 23 રનનું યોગદાન આપ્યું. સુકાની સૂર્યકુમાર યાદવે 12 રન બનાવ્યા. અન્ય બેટરોમાંથી રિંકુ સિંહ 1 રન, અક્ષર પટેલ 0 રન અને અર્શદીપ સિંહ 2 રન બનાવી શક્યા. વરુણ ચક્રવર્તી 1 રને અણનમ રહ્યા.
નામિબિયા તરફથી ગેરહાર્ડ ઈરાસ્મસે શ્રેષ્ઠ બોલિંગ કરતાં 4 ઓવરમાં માત્ર 20 રન આપીને 4 વિકેટ ઝડપી. બેન શિકોંગો, જેજે સ્મિટ અને બર્નાર્ડ શોલ્ટ્ઝને 1-1 વિકેટ મળી. રૂબેન ટ્રમ્પલમેન અને મેક્સ હેંગોને કોઈ સફળતા મળી નહોતી.
નામિબિયાની નિષ્ફળ બેટિંગ
209 રનના લક્ષ્યનો પીછો કરતાં નામિબિયાના બેટરો દબાણમાં દેખાયા. લોરેન સ્ટેનકેમ્પે 29 રન, જાન ફ્રાયલિંકે 22 રન અને ગેરહાર્ડ ઈરાસ્મસે 18 રન બનાવ્યા. બાકીના ખેલાડીઓ નોંધપાત્ર યોગદાન આપી શક્યા નહોતા અને ટીમ 116 રનમાં ઓલઆઉટ થઈ ગઈ.
ભારતીય બોલરોનો કમાલ
ભારત તરફથી વરુણ ચક્રવર્તીએ અસરકારક સ્પેલ નાખતા 2 ઓવરમાં 7 રન આપી 3 વિકેટ ઝડપી. હાર્દિક પંડ્યાએ 2 વિકેટ લીધી, જ્યારે અક્ષર પટેલે પણ 2 વિકેટ મેળવી. અર્શદીપ સિંહ, શિવમ દુબે અને જસપ્રિત બુમરાહે 1-1 વિકેટ લઈને ટીમની જીત સુનિશ્ચિત કરી.
- ગ્રુપ બીમાં ઓસ્ટ્રેલિયા અને ઝિમ્બાબ્વે વચ્ચે કોલંબોના આરપીએસ મેદાન પર સવારે 11 વાગ્યે મુકાબલો થશે.
- ગ્રુપ ડીમાં કેનેડા અને યુએઈ વચ્ચે દિલ્હીમાં બપોરે 3 વાગ્યે ડે-નાઈટ મેચ રમાશે.
- ગ્રુપ એમાં નેધરલેન્ડ્સ અને યુએસએ વચ્ચે ચેન્નાઈમાં સાંજે 7 વાગ્યે મેચ યોજાશે.
Leave a Reply