સુરતના પોશ વેસુ વિસ્તારમાં આવેલી ‘હેપી એલિગન્સ’ બિલ્ડિંગમાં આજે સવારે એક જ પરિવારના ચાર સભ્યોએ સામૂહિક આપઘાતનો પ્રયાસ કર્યો હોવાની ઘટના સામે આવી છે. ઘટનામાં પતિ, પત્ની અને આશરે 5 થી 7 વર્ષની એક દીકરીનું મોત થયું છે, જ્યારે બીજી દીકરીનો બચાવ થયો છે.
પ્રાથમિક માહિતી મુજબ, પરિવારે અગમ્ય કારણોસર ઝેરી પદાર્થ સેવન કરીને જીવન ટૂંકાવવાનો પ્રયાસ કર્યો હતો. ઘટનાની જાણ થતાં જ સ્થાનિક લોકો અને પોલીસ તાત્કાલિક સ્થળ પર પહોંચી ગઈ હતી. બચી ગયેલી દીકરીને સારવાર માટે નજીકની હોસ્પિટલમાં ખસેડવામાં આવી છે, જ્યાં ડોક્ટરો તેની હાલત પર નજર રાખી રહ્યા છે.
પોલીસે મૃતદેહોને પોસ્ટમોર્ટમ માટે સિવિલ હોસ્પિટલ ખસેડવાની કાર્યવાહી હાથ ધરી છે અને પડોશીઓ તેમજ સંબંધીઓની પૂછપરછ શરૂ કરી છે. પ્રાથમિક દ્રષ્ટિએ આ ઘટનામાં આર્થિક તંગી, પારિવારિક વિવાદ અથવા અન્ય કોઈ કારણ જવાબદાર હોઈ શકે છે, જોકે હકીકત પોલીસ તપાસ બાદ જ સ્પષ્ટ થશે.
ઘટનાને પગલે વિસ્તારમાં શોક અને અરેરાટીનો માહોલ વ્યાપ્યો છે.
Leave a Reply