1
0
અમદાવાદમાં નર્સિંગ કોલેજનાં વાઇસ પ્રિન્સિપાલની ધરપકડ થઈ હોવાનાં ચોંકાવનારા સમાચાર સામે આવ્યા છે. કોલેજમાંથી રૂપિયા 8 લાખની ચોરીનાં આરોપ હેઠળ શુભમ નર્સિંગ કોલેજનાં (Shubham Nursing College) વાઈસ પ્રિન્સિપાલ સૂચિ રાયની (Suchi Rai) પોલીસે ધરપકડ કરી હોવાની પ્રાથમિક માહિતી છે. પોલીસે બે લાખ રૂપિયાની રોકડ રિકવર કરી વધુ તપાસ હાથ ધરી છે. ચોરીની ઘટનાનાં CCTV ફૂટેજ પણ સામે આવ્યા છે.
અમદાવાદનાં અસારવા વિસ્તારમાં (Asarva) આવેલ શુભમ નર્સિંગ કોલેજનાં વાઈસ પ્રિન્સિપાલ સૂચિ રાય સામે પોલીસે મોટી કાર્યવાહી કરી છે. પોલીસે સૂચિ રાયની ચોરીનાં આરોપ હેઠળ ધરપકડ કરી છે. માહિતી અનુસાર, ગઈકાલે સવારે કોલેજમાંથી લાખો રૂપિયાની ચોરી થઈ હતી. આ અંગે ફરિયાદ બાદ મેઘાણીનગર પોલીસે (Meghaninagar Police) તપાસ હાથ ધરી હતી. પોલીસે નર્સિંગ કોલેજનાં CCTV ફૂટેજની તપાસ કરી હતી.
નર્સિંગ કોલેજનાં (Ahmedabad) CCTV ફૂટેજનાં આધારે પોલીસે વધુ તપાસ કરતા ચોરી વાઈસ પ્રિન્સિપાલ સૂચિ રાય દ્વારા કરવામાં આવી હોવાનું માલૂમ પડ્યું હતું. પોલીસે ત્વરિત એક્શન લઈને પ્રિન્સિપાલ સૂચિ રાયની ધરપકડ કરી છે અને વધુ તપાસ હાથ ધરી છે. નર્સિંગ કોલેજનાં CCTV ફૂટેજમાં એક નકાબપોશ મહિલા ઓફિસમાંથી લાખો રૂપિયાની ચોરી કરતા નજરે પડે છે.
