આવતી 8 માર્ચ, 2026ના રોજ અમદાવાદના Narendra Modi Stadium ખાતે ભારત અને ન્યૂઝીલેન્ડ વચ્ચે ICC T-20 વર્લ્ડકપ-2026ની ફાઈનલ મેચ રમાનાર છે. આ હાઈવોલ્ટેજ મુકાબલાને લઈને ક્રિકેટ ચાહકોમાં ભારે ઉત્સાહ જોવા મળી રહ્યો છે. જોકે, આ ઉત્સાહનો લાભ લઈને ટિકિટોના કાળાબજાર કરતા તત્ત્વો પણ સક્રિય બન્યા છે, જેને પગલે પોલીસ સતર્ક બની ગઈ છે.
મોટેરા સ્ટેડિયમ બહાર ટિકિટોના કાળાબજાર થવાની બાતમી મળતા LCB ઝોન-2ની ટીમે ચાંદખેડા વિસ્તારમાં ગુપ્ત વોચ ગોઠવી હતી. પેટ્રોલિંગ દરમિયાન મળેલી ચોક્કસ માહિતીના આધારે પોલીસે સ્ટેડિયમ નજીકથી ટિકિટ વેચતા એક યુવકને રંગેહાથ ઝડપી લીધો હતો.
પોલીસ તપાસમાં ઝડપાયેલા યુવકની ઓળખ વાસણા વિસ્તારમાં રહેતા વંશ હિરલકુમાર શાહ તરીકે થઈ છે. તેની પાસેથી ભારત-ન્યૂઝીલેન્ડ ફાઈનલ મેચની બે ટિકિટો જપ્ત કરવામાં આવી છે. તપાસ દરમિયાન ખુલ્યું છે કે આરોપી 2,000 રૂપિયાની મૂળ કિંમત ધરાવતી ટિકિટ 11,000 રૂપિયામાં વેચવાનો પ્રયાસ કરી રહ્યો હતો.
આ મામલે ચાંદખેડા પોલીસે આરોપી સામે ગુનો નોંધ્યો છે અને ટિકિટોના કાળાબજાર પાછળ કોઈ મોટું નેટવર્ક સંકળાયેલું છે કે કેમ તે અંગે વધુ તપાસ હાથ ધરી છે.
Leave a Reply