admin
0
0
સમગ્ર દેશમાં ગઈકાલે હનુમાન જયંતિ નિમિત્તે ઉજવણી કરવામાં આવી હતી.સમગ્ર ભારતમાં હનુમાનજીના ઘણા પ્રખ્યાત મંદિરો છે પરંતુ આજે અમે તમને એક અનોખા મંદિર વિશે માહિતી આપી રહ્યા છીએ. જે જાણીને આપણે જરૂરથી નવાઈ લાગશે.દાદાનું એક એવું મંદિર આવેલું છે જ્યાં હનુમાનજીની પૂજા પુરૂષ તરીકે નહીં પણ સ્ત્રી તરીકે પૂજા કરવામાં આવે છે.રતનપુરના ગિરજાબાંધમાં હાજર આ મંદિરમાં ‘દેવી’ હનુમાનની મૂર્તિ છે.આ મંદિર પ્રત્યે લોકોને ખૂબ જ આસ્થા છે. એવું માનવામાં આવે છે કે જે કોઈ પણ અહીં પૂજા અર્ચના કરે છે. તેમની મનોકામના પૂરી થાય છે.હનુમાનજીની આ પ્રતિમા દસ હજાર વર્ષ જૂની છે. ગિરજાબાંધ સ્થિત હનુમાન મંદિર અનેક સદીઓથી આ ક્ષેત્રમાં અસ્તિત્વમાં છે.આ મંદિર છત્તીસગઢના બિલાસપુર શહેરથી 25 કિલોમીટર દૂર રતનપુર સ્થિત છે.
આ મંદિરમાં હનુમાનજીની પૂજા એક સ્ત્રી રુપે કરવામાં આવે છે.તે બાબતે એકઃ દંતકથા ખૂબ પ્રચલિત અને રસપ્રદ છે.કે આ મંદિરનું નિર્માણ પૃથ્વી દેવજૂ નામના રાજાએ કરાવ્યું હતું. રાજા પૃથ્વી દેવજૂ હનુમાનજીના ખૂબ જ મોટા ભક્ત હતાં અને તેમણે ઘણા વર્ષો સુધી રતનપુર પર શાસન કર્યું. એવું માનવામાં આવે છે કે રાજા પૃથ્વી દેવજૂને રક્તપિત્ત હતો.એક રાતે હનુમાનજી રાજાના સ્વપ્નમાં આવ્યા અને તેમને મંદિર બનાવવાની સૂચના આપી. રાજાએ મંદિરનું નિર્માણ શરૂ કર્યુ. જ્યારે મંદિરનું કામ પૂર્ણ થવાનું હતું ત્યારે રાજાના સ્વપ્નમાં હનુમાનજી ફરી આવ્યા અને તેમને મહામાયા કુંડમાંથી મૂર્તિ કાઢીને મંદિરમાં સ્થાપિત કરવા કહ્યું.રાજાએ હનુમાનજીના નિર્દેશોનું પાલન કર્યું હતું અને કુંડમાંથી મૂર્તિ બહાર કાઢી હતી. જોકે, હનુમાનજીની મૂર્તિ સ્ત્રી રુપમાં જોઈને બધાને આશ્ચર્ય થયું હતું. આ પછી મહામાયા કુંડમાંથી બહાર કાઢેલી મૂર્તિને વિધિ વિધાનથી મંદિરમાં સ્થાપિત કરવામાં આવી હતી. મૂર્તિ સ્થાપના પછી રાજા બીમારીમાંથી સંપૂર્ણ મુક્ત થયો હતો.
