સમગ્ર દેશમાં ઇલેક્ટ્રિક વાહનોનો વધુમાં વધુ ઉપયોગ થાય તેવા આશયથી કેન્દ્રીય માર્ગ પરિવહન અને રાજમાર્ગ મંત્રાલયે વાહનોની નોંધણી ફી માફ કરવાનો નિર્ણય કર્યો છે. સરકારે આ અંગે જાહેરનામું પણ બહાર પાડ્યું છે.સરકારનું માનવું છે કે આનાથી લોકો ઇલેક્ટ્રિક વાહનો ચલાવવા માટે પ્રોત્સાહન મળશે.હવે કોઈપણ વ્યક્તિ ઇલેક્ટ્રિક વાહન ખરીદશે તો તેની નોંધણી ફી ચૂકવવી પડશે નહીં. એટલું જ નહીં, આરસીની સમાપ્તિ પર, તેની નવીકરણ ફી પણ ચૂકવવી પડશે નહીં.આ નિયમ કાર ઉપરાંત બેટરીથી ચાલતા તમામ વાહનો પર લાગુ થશે. આમાં તમામ ટુ-વ્હીલર, થ્રી-વ્હીલર્સનો સમાવેશ થાય છે.કેન્દ્રીય મંત્રાલયે તેના સત્તાવાર ટ્વિટર એકાઉન્ટ પરથી આ અંગે માહિતી જાહેર કરી છે. કેન્દ્રીય માર્ગ પરિવહન અને પરિવહન મંત્રાલયે બે મહિના પહેલા ઇલેક્ટ્રિક વાહનોની નોંધણી ફી માફ કરવાનો પ્રસ્તાવ તૈયાર કર્યો હતો જેનો હવે અમલ શકય બનશે.
![Avatar](https://yestv.co.in/wp-content/uploads/2024/04/Screenshot_20210509-0942042.jpg)